Popular Posts

Feb 18, 2011

නුඹ

අතීතයේ එක් දිනෙක 
ගැටුණු විට ඔබේ නෙත් යුග
මොහොතකට තනි වුණේ මා සිත
ආදරෙන් විලිබරව


නොපැතුවත් ඔබ සිත් පහස
ලොබ සිතුනි ඉවතලන්නට ඔබෙ නෙත් යුග
නොපෙන්නුවත් රහසේම ඔබට
පෙම් කළෙමි මහමෙරක් තරමට


තනිව උන් මගේ සිතිවිලි ලොවට 
ලං වුණේ ඇයි නුඹ මෙලෙස
නොකියාම සිත්පතුලෙ සැගවුණු දෙය
මගෙ සතුටම පැතුවෙ ඇයි නුඹ


මුලු ලොවක් නිදනා රැුයක
නෙත් යුග පිය නොවුනෙ ඇයිද
කියාගත නොහැකිව ලතව
ඔබත් මමත් පැතූ දෙය කුමක් ද


තනිව උන් නුඹ සිතට
තුරුලු වන්නට සිතුනි සදහටම
ඇයි නිහඩ නුඹ සිත් තවම
නොඉවසිලිව කෑගසයි මගේ සිත


අනන්තය පුරා විසිරි ගිය
බිද දමමින් සිතිවිලි දැහැන
ඇත්තටම පැවසුවේ නුඹේ හඩ
ආදරෙයි මම නුඹට කියාම ද


නිහඩවම උන්නත් මම
කියාගත නොහැකිව හැගුම
නෙතින් ගිලිහුණු කදුලු
පැවසුවේ සත්තයි ආදරෙයි මම ද නුඹට


ගොලු වුවත් අප මුවකමල
හැඩුවෙමි රැු පහන් වන තුරු එකට
නොදෙන්නෙමි හඩන්නට තනිව යලි කිසි දිනෙක
මියෙන මොහොතෙත් මම ආදරෙන් හිදිමි නුඹ තුරුලෙම
.......පූර්ණි........